Oiso vor ein paar Monat woar ich zu an Preisschnapsturnier beim Wirtn in der Nachbarortschaft eingeloden. Als Hauptpreis war a lebendiges Spanferkel! Nau jo, es war net wirklich mehr a kloans Spanferkel sondern schon a bisserl was größeres - a kloane Minisau sozusagen. Wie's der Teufel will gewinn ich des Preisschnapsen und wurde Besitzer einer lebendigen Minisau!
Jetzt kam aber des Problem: Wos mach ich mit aner Minisau? Wo soll ichs hintuan? Jo do ist dann a Spezi von mir kummen und wollt mirs abkaufen. Aber so einfach is es net gewesen. Mein Spezi hat a paar alte Sachn und so hab I eam vorgeschlagen, daß er die Sau im Tausch gegen wos Gleichwertiges haben kann, wo er doch an Haufen alte Sachen auf seinem Bauernhof hot.
Nau also sind mia zu eam gegangen und I hab mi umgschaut. Im Austragerhäusl wo seine Oma hat zu Lebzeitn gwohnt hob I diese Uhr an der Wand hängan gesehen. Hob I gsogt: Also Poidi hob I gsogt, waun Du de Sau unbedingt hobn möchst daun tausch I Dir de Sau fia die Waunduhr.
Ahhhh, hot er zerscht gsogt, des is aber für mich ka guater Tausch, weil de Uhr scho alt ist. De is jo no von meina Oma hot er gsogt! Oiso hob I gsogt, das I eam jo gern die Sau fia seine Oma eintauschen hätt wolln wo sie doch so guate Knödl gmacht hot, oba leida lebt die Oma nimma und drum nimm I eben die Uhr.
Jo, so woas und jetzt bin I Besitzer von der Waunduhr. Ihr seids die Spezialisten: Wor des a guate Tausch? Was kann ma zu der Uhr sagen? Oiso bei mir is sie im Moment no in der Garage weil is a bisserl ostaubn und putzen mecht......mir gfallts und verkaufen wers ich sicher net!